febreiro, 2019

12feb20:30MUNICIPAL'En corpo e alma'. Proxección do Cineclube Pontevedra20:30 Teatro Principal. Rúa de Paio Gómez Chariño, 6Evento tipo:Escena,Municipal

Máis

Detalles do Evento

Proxección do filme En corpo e alma, organizada polo Cineclube Pontevedra.

A teströl és a lélekröl, Ildikó Enyedi, Hungría, 2017, 116 min. Lingua: húngaro.


Sinopse: María comeza a traballar coma supervisora nun matadoiro de Budapest, onde logo comezan a xurdir rumores e dixomedíxomes arredor dela. Durante os almorzos opta sempre por sentar soa, é consciente dos seus deberes e obrigas e tenlles un estricto apego ás normas. O seu mundo componse de cifras e datos impresos na memoria dende a súa infancia. Endre, o seu xefe, é un tipo tranquilo. Ambos comezarán a coñecerse lentamente.


Oso de Ouro ao Mellor filme, Premio Fipresci e Premio do Xurado Ecuménico na Berlinale 2017 / Seleccionada por Hungría para os Oscar 2018 / Sección Perlas en Donostia 2017 / Mellor Filme en Sidney 2017.


«Coa mirada posta no reino animal, a directora húngara establece unha poderosa analoxía acerca das dinámicas sociais difíciles, diferentes e estigmatizadas que sofren as persoas que se desvían da norma» (Cristina Aparicio, Caimán).


O Cineclube Pontevedra é unha asociación sen ánimo de lucro cuxo funcionamento e financiamento depende fundamentalmente das achegas económicas que realizan periodicamente as súas socias e socios, cara a quen están dirixidas as súas actividades.

Asóciate por 60 € ao ano, 18 € ao trimestre ou 2 € por pase.

+info. en cineclubepontevedra.blogspot.com

 

Hora

(Martes) 20:30

Localización

Teatro Principal

Teatro Principal. Rúa de Paio Gómez Chariño, 6

X
Imagen banner Coronavirus
COVID 19
Por mor do Coronavirus, o Concello de Pontevedra suspendeu os actos cultural.
Durante o confinamento o Concello ofrece asistencia á cidadanía que pode consultar en www.pontevedra.gal/covid-19/
#Pontevedraquedanacasa